شلالات يحشوش

عن هذا النشاط

يحشوش معروفة بشلالاتها الرائعة. هالضيعة مخباية بين أوديتها الغميقة 13 شلال و في نهرين بيقطعو فيها; نهر ابراهيم و نهر الدهب. أول 3 شلالات ممكن توصلولن بلا عدة, بس الباقيين بدن مرشديين محترفين و بيحتاجو عدة خصوصي للتسلق و النزول على الحبل.

الاتجاهات

في نقطتين بداية لتوصلو للشلالات, الأولى من الضيعة و التانية من يحشوش كامب. رح تمشو 10 دقايق بأرض خاصة فيها زيتون, و بيرجع بدكن شي 15 دقيقة اضافية لتوصلو للنهر. كل شلال بيبعد عن التاني حوالي 10 دقايق مشي.

نصايح

أفضل وقت لتزورزهن أول الربيع او حتى بالصيف لما تكون المي صافية و زرقا. بالشتا الطريق بتزّحط, و لون المي بكون بني من شدة النهر لبيجرف معو كل الرمل و التراب.

تحذير

دخولية بسيطة بتندفع اذا مرقتو من يحشوش كامب بما انو ارض خاصة .
حتى لو ما سبحتو ممكن تنتلو مي بما انو رح تعبرو النهر فجيبو معكن تياب و حذاء تانيين معكن .