كود x أدفنتشرز جل الديب

عن هذا النشاط

قضوا وقت مميز مع الأحباب بمكان حيوي لألعاب الطاولة بجل الديب، بيقدم أكتر من 200 لعبة محلية ودولية لتكتشفوها. إذا عم تحتفلوا بمناسبة خاصة أو عم تقضوا وقت عادي، هيدا المكان فيه كل شي – من منيو شهية لجو دافئ بيشجع على المتعة والتواصل. مع فعاليات مثل ليالي التريفيا، تجمعات مخصصة، ورش عمل، وبطولات، دايماً في شي بيبسط الكل. وفي غرف خاصة لجلسات الدراسة، الاجتماعات، مغامرات دانجنز آند دراغنز، وغيرا.
لحدث فعلاً ما بيتنسى، في عندن ألعاب طاولة ضخمة وغرف هروب متنقلة بتضيف حماس لحفلة توديع العزوبية، الحفلات، أو أي مناسبة خاصة. إذا كان عرض زواج أو جلسة بناء فريق، رح يساعدوكن تخلقوا ذكريات تدوم.
غرف الهروب:
–المهمة المقلوبة:
كفريق من المحققين الخاصين، عندكن مهمة تدخلوا على بيت عالم عبقري لتكتشفوا سر اختفاؤ. بس تفوتوا على البيت، بتعلقوا بتجاربه للجاذبية العكسية وبتلاقوا حالكن عم تمشوا على السقف وما فيكن تنزلوا. إذا بتبقوا أكتر من ساعة، في احتمال تختفوا متلو. فيكن تحلوا اللغز وتضهروا بالوقت قبل ما تختفوا ببيئة منعدمة الجاذبية؟
-٣-١٠ لاعبين
-المدة: ٦٠ دقيقة
-الصعوبة: متوسطة
–ورشة دا فينشي:
صرتوا هلق بزمن النهضة وصرتوا أعضاء بـ “الثعالب النائمة”، منظمة إجرامية تحت الأرض، وعليكن مهمة من دوق ميلانو تفوتوا على ورشة ليوناردو دا فينشي وتسرقوا الموناليزا اللي مخبيها منه. بس لما بتفوتوا على ورشة دا فينشي، علقتوا فيها بسبب أنظمة الأمن العبقرية تبعو. الطريق الوحيد لتضهروا هو تلاقوا وين مخباة الموناليزا وتلاقوا الأدلة لتطلعوا.
-٣-٨ لاعبين
-المدة: ٦٠ دقيقة
-الصعوبة: صعبة
ملاحظة :
الحجز ضروري!